Беларуска выбрала на мяжы зялёны калідор і атрымала велізарны штраф з канфіскацыяй
Пры вяртанні з Літвы праз пункт пропуску «Каменны Лог» жанчына абрала зялёны калідор, аднак падчас мытнага кантролю ў яе выявілі звыш 50 тысяч еўра наяўнымі.
Паводле закона, пры ўвозе сумы, што перавышае 10 тысяч долараў у эквіваленце, неабходна запаўняць дэкларацыю і выбіраць чырвоны калідор.
Суд прызнаў жанчыну вінаватай у незаконным перамяшчэнні буйной сумы грошай праз мяжу і прызначыў штраф у памеры 300 базавых велічынь — 12,6 тысячы рублёў.
Акрамя таго, падлягаюць спецыяльнай канфіскацыі 41 тысяча еўра.
Прысуд пакуль не ўступіў у законную сілу і можа быць абскарджаны.