Biełaruska vybrała na miažy zialony kalidor i atrymała vielizarny štraf z kanfiskacyjaj
Pry viartańni ź Litvy praz punkt propusku «Kamienny Łoh» žančyna abrała zialony kalidor, adnak padčas mytnaha kantrolu ŭ jaje vyjavili zvyš 50 tysiač jeŭra najaŭnymi.
Pavodle zakona, pry ŭvozie sumy, što pieravyšaje 10 tysiač dołaraŭ u ekvivalencie, nieabchodna zapaŭniać dekłaracyju i vybirać čyrvony kalidor.
Sud pryznaŭ žančynu vinavataj u niezakonnym pieramiaščeńni bujnoj sumy hrošaj praź miažu i pryznačyŭ štraf u pamiery 300 bazavych vieličyń — 12,6 tysiačy rubloŭ.
Akramia taho, padlahajuć śpiecyjalnaj kanfiskacyi 41 tysiača jeŭra.
Prysud pakul nie ŭstupiŭ u zakonnuju siłu i moža być abskardžany.