Кіраўніцтва ЕС прапануе чатыры праекты для ўмацавання абароназдольнасці блока

Еўракамісія і кіраўніца еўрапейскай дыпламатыі Кая Калас прапануюць «дарожную карту па забеспячэнні абараназдольнасці» ЕС перад кастрычніцкім пасяджэннем Еўрапейскай рады. Гэта вынікае з дакумента, з якім азнаёмілася агенцтва Reuters.

Фота: Artur Widak/NurPhoto via Getty Images

У дакуменце Еўракамісія прапануе чатыры «флагманскія» абаронныя праекты, якія, на яе думку, будуць спрыяць умацаванню бяспекі Еўропы на фоне пагроз з боку Расіі:

• Еўрапейская сцяна дронаў;
• Назіранне за ўсходнім флангам;
• Шчыт супрацьпаветранай абароны;
• Шчыт касмічнай абароны.

Праекты будуць адкрытыя для ўсіх дзяржаў — членаў блока, якія захочуць у іх удзельнічаць.

1 кастрычніка лідары Еўрасаюза збяруцца на нефармальны саміт у Капенгагене, каб абмеркаваць пытанні ўмацавання абараназдольнасці Еўропы і падтрымкі Украіны. Асноўнае пасяджэнне Еўрапейскай рады пройдзе ў Брусэлі 23‑24 кастрычніка.

Каментары да артыкула