Kiraŭnictva ES prapanuje čatyry prajekty dla ŭmacavańnia abaronazdolnaści błoka

Jeŭrakamisija i kiraŭnica jeŭrapiejskaj dypłamatyi Kaja Kałas prapanujuć «darožnuju kartu pa zabieśpiačeńni abaranazdolnaści» ES pierad kastryčnickim pasiadžeńniem Jeŭrapiejskaj rady. Heta vynikaje z dakumienta, ź jakim aznajomiłasia ahienctva Reuters.

Fota: Artur Widak/NurPhoto via Getty Images

U dakumiencie Jeŭrakamisija prapanuje čatyry «fłahmanskija» abaronnyja prajekty, jakija, na jaje dumku, buduć spryjać umacavańniu biaśpieki Jeŭropy na fonie pahroz z boku Rasii:

• Jeŭrapiejskaja ściana dronaŭ;
• Nazirańnie za ŭschodnim fłanham;
• Ščyt supraćpavietranaj abarony;
• Ščyt kaśmičnaj abarony.

Prajekty buduć adkrytyja dla ŭsich dziaržaŭ — členaŭ błoka, jakija zachočuć u ich udzielničać.

1 kastryčnika lidary Jeŭrasajuza źbiarucca na niefarmalny samit u Kapienhahienie, kab abmierkavać pytańni ŭmacavańnia abaranazdolnaści Jeŭropy i padtrymki Ukrainy. Asnoŭnaje pasiadžeńnie Jeŭrapiejskaj rady projdzie ŭ Bruseli 23‑24 kastryčnika.

Kamientary da artykuła