Прэм'ер Албаніі тонка пакпіў з Трампа
У кіраўніка Албаніі Эдзі Рамы ёсць пачуцце гумару
На саміце еўрапейскіх палітыкаў у Капенгегане ён збіў з панталыку прэзідэнта Францыі: «Чаму вы нас не павіншавалі?»
І пасля паўзы дадаў: «Вам след было павіншаваць мяне з прэзідэнтам Аліевым у сувязі з міравым пагадненнем, дасягнутым дзякуючы прэзідэнту Трампу між Албаніяй і Азербайджанам!»
Дональд Трамп апошнім часам блытае Арменію і Албанію, перыядычна кажучы, што дабіўся міру паміж Албаніяй і Азербайджанам. Таксама ён аднойчы зблытаў Азербайджан і Камбоджу.
Эдзі Рама вядомы сваім пачуццём гумару, так на адным з самітаў ён расказаў анекдот пра Пуціна і Прыгожына.