Шоу ці дыпламатыя? Чаму кіраўнік Албаніі рэгулярна становіцца на калена перад прэм'ерам Італіі Мелоні?
Чаму 62-гадовы палітык так дэманстратыўна гэта робіць і што кажуць пра гэта ў яго краіне?
Прэм’ер-міністр Албаніі Эдзі Рама ўжо некалькі разоў звяртаўся да аднаго і таго ж рытуалу — ён станавіўся на калена перад кіраўніцай урада Італіі Джорджай Мелоні. Прычым адбываецца гэта падчас афіцыйных мерапрыемстваў, піша Бі-бі-сі.
Яго паводзіны выклікаюць усмешку ў прысутных, але для спадарыні Мелоні а, гэтая сітуацыя не зусім зручная.
Чаму 62-гадовы палітык так дэманстратыўна гэта робіць і што кажуць пра гэта ў яго краіне?
«Мая дарагая сястра»
10 ліпеня ў Рыме, на Канферэнцыі па пытаннях аднаўлення Украіны, Эдзі Рама павіншаваў Джорджу Мелоні, стаўшы на калена. Было бачна, як італьянская прэм’ерка спрабуе нешта сказаць яму і ўсміхаецца. Эдзі Рама падняўся з кален, калі Мелоні падышла, і яны абняліся.
Пасля гэтага палітыкі нешта абмеркавалі, перш чым пачаць пазіраваць для афіцыйнага фота. У сваёй прамове Эдзі Рама падзякаваў Джорджы Мелоні за арганізацыю мерапрыемства і назваў яе «любімай сястрой».
«Мая дарагая сястра Джорджа Мелоні сёння нагадаў усім, што ўсе дарогі вядуць у Рым», — заявіў албанскі прэм’ер.
Падобная сітуацыя адбылася не ўпершыню. Падчас шостага саміту Еўрапейскай палітычнай супольнасці, які адбыўся 16 мая ў албанскай сталіцы Тыране, Эдзі Рама таксама станавіўся на калена перад італьянскай прэм’еркай.
Албанія прымала больш за 40 еўрапейскіх лідараў, і як гаспадар, Эдзі Рама сустракаў усіх гасцей саміту.
Тады некаторыя СМІ пісалі, што албанскі прэм’ер такім рыцарскім спосабам праявіў павагу да жанчыны-прэм’ера.
Сама Джорджа Мелоні, для якой такі ўчынак быў, здаецца, нечаканым, сказала: «Ён робіць гэта толькі, каб быць са мной аднаго росту».
СМІ пісалі тады, што рост Эдзі Рамы — 201 см, а Джорджы Мелоні — 163 см.
Тэатральны акт ці дыпламатыя
Аднак такія паводзіны албанскага прэм’ера рыцарскімі і дарэчнымі лічаць далёка не ўсе. Яго апаненты ў Албаніі звярнуліся да рэзкай крытыкі і нават паставілі яго каленапрыкланенне ў гістарычны кантэкст.
«Тэатральным актам, напоўненым небяспечным падтэкстам», назвала гэты ўчынак у маіі, калі гэта здарылася ўпершыню, выданне Alb Media.
«Уяўляеце сабе канцлера Германіі Фрыдрыха Мерца, які стаіць на каленях перад Джорджай Мелоні ў Берліне? Ці Макрона на Елісейскіх палях? Не. Бо сапраўдныя лідары нікому не пакланяюцца», — піша выданне і згадвае таксама «балючую гісторыю паміж Албаніяй і Італіяй з часоў фашысцкай акупацыі».
«Прэм’ер-міністру падабаецца шоу, якое ставіць яго ў цэнтр увагі. (…) Ён ужо ператварыў гэта ў традыцыю — ладзіць шоу нават там, дзе гэта не патрэбна», — адзначае іншае выданне Tetova News.
Баскетбол і жывапіс
Стыль і паводзіны албанскага прэм’ера пастаянна трапляюць на фота і відэа. На Еўрасаміце ў маі журналісты адзначылі яго павышаную ўвагу не толькі да Джорджы Мелоні, але і да іншых жанчын-палітыкаў.
А таксама да стылю адзення, у прыватнасці, белых красовак са зорачкай разам з афіцыйным касцюмам. Эдзі Рама ў Албаніі застаецца папулярным палітыкам ужо больш за 10 гадоў. Ён прыйшоў да ўлады на хвалю барацьбы з камунізмам напрыканцы 90‑х мінулага стагоддзя.
З таго часу Рама працаваў міністрам культуры, потым 11 гадоў быў мэрам Тыраны. Кіраўніком урада станавіўся тройчы. Упершыню ў 2013 годзе пасля пераканаўчай перамогі Сацыялістычнай партыі на парламенцкіх выбарах. У 2014 і 2021 гадах яго партыя зноў выйграла выбары і прадставіла яго на пасаду прэм’ер-міністра.
А да таго, як стаць палітыкам, Эдзі Рама прафесійна займаўся баскетболам, а таксама жывапісам і скончыў Нацыянальную вышэйшую школу выяўленчага мастацтва.
Цяпер чытаюць
Раман Пратасевіч асвоіў прафесію бармена і адшукаў працу. Вось у якім бары можна яго знайсці10
Каментары