На Данбасе ад удару дрона загінуў французскі журналіст
Французскі фотажурналіст Антані Лалікан загінуў у Данецкай вобласці. Гэта адбылося 3 кастрычніка падчас атакі расійскага FPV-дрона каля горада Дружкоўка, паведаміў кіраўнік Нацыянальнага саюза журналістаў Украіны Сяргей Таміленка.
Антані Лалікан
Украінскі журналіст выдання Kyiv Independent Георгій Іванчанкаў, які працаваў разам з Лаліканам, атрымаў раненні.
Па словах Сяргея Таміленкі, журналісты, якія трапілі пад удар, знаходзіліся ў ахоўнай амуніцыі і ў суправаджэнні прэс-афіцэра.
38‑гадовы Лалікан, адзначыў кіраўнік украінскай журналісцкай арганізацыі, — трэці французскі журналіст, «забіты Расіяй падчас поўнамаштабнай вайны ва Украіне».
Прэзідэнт Францыі Эмануэль Макрон пацвердзіў гібель Лалікана на вайне ва Украіне і выказаў спачуванні ягоным родным і блізкім.
Чытайце таксама:
Пасол ПАР у Францыі загінуў, упаўшы з 22‑га паверха
Загінуў начальнік натурнай пляцоўкі «Беларусьфільма»
Памёр апошні з братоў Бельскіх, якія партызанілі ў Налібоцкай пушчы