Na Danbasie ad udaru drona zahinuŭ francuzski žurnalist

Francuzski fotažurnalist Antani Łalikan zahinuŭ u Danieckaj vobłaści. Heta adbyłosia 3 kastryčnika padčas ataki rasijskaha FPV-drona kala horada Družkoŭka, paviedamiŭ kiraŭnik Nacyjanalnaha sajuza žurnalistaŭ Ukrainy Siarhiej Tamilenka.

Antani Łalikan

Ukrainski žurnalist vydańnia Kyiv Independent Hieorhij Ivančankaŭ, jaki pracavaŭ razam z Łalikanam, atrymaŭ ranieńni.

Pa słovach Siarhieja Tamilenki, žurnalisty, jakija trapili pad udar, znachodzilisia ŭ achoŭnaj amunicyi i ŭ supravadžeńni pres-aficera.

38‑hadovy Łalikan, adznačyŭ kiraŭnik ukrainskaj žurnalisckaj arhanizacyi, — treci francuzski žurnalist, «zabity Rasijaj padčas poŭnamaštabnaj vajny va Ukrainie».

Prezident Francyi Emanuel Makron paćvierdziŭ hibiel Łalikana na vajnie va Ukrainie i vykazaŭ spačuvańni jahonym rodnym i blizkim.

Kamientary da artykuła