У Мінску кіроўцу пасажырскага аўтобуса стала блага, ён выехаў на ходнікі і праехаў некалькі дзясяткаў метраў
А потым урэзаўся ў бетонны плот.
Здарэнне адбылося сёння на праспекце Дзяржынскага, паведамляе ДАІ.
48‑гадовы кіроўца аўтобуса МАЗ не справіўся з кіраваннем, аўтобус выехаў за межы праезнай часткі, праехаў некалькі дзясяткаў метраў, а потым урэзаўся ў бетонны плот.
Папярэдне мяркуецца, што мужчыну стала дрэнна падчас руху.
Кіроўца дастаўлены ў бальніцу для абследавання. Па папярэдняй інфармацыі, пасажыры аўтобуса не пацярпелі.