U Minsku kiroŭcu pasažyrskaha aŭtobusa stała błaha, jon vyjechaŭ na chodniki i prajechaŭ niekalki dziasiatkaŭ mietraŭ
A potym urezaŭsia ŭ bietonny płot.
Zdareńnie adbyłosia siońnia na praśpiekcie Dziaržynskaha, paviedamlaje DAI.
48‑hadovy kiroŭca aŭtobusa MAZ nie spraviŭsia z kiravańniem, aŭtobus vyjechaŭ za miežy prajeznaj častki, prajechaŭ niekalki dziasiatkaŭ mietraŭ, a potym urezaŭsia ŭ bietonny płot.
Papiarednie miarkujecca, što mužčynu stała drenna padčas ruchu.
Kiroŭca dastaŭleny ŭ balnicu dla abśledavańnia. Pa papiaredniaj infarmacyi, pasažyry aŭtobusa nie paciarpieli.