Праца фізічнага офіса Ціханоўскай у Вільні часова прыпынена
Частка супрацоўнікаў перайшла на дыстанцыйны фармат працы, пакуль не будуць адладжаныя новыя алгарытмы бяспекі.
Фота: Офіс Святланы Ціханоўскай
Праца фізічнага офіса Ціханоўскай у Вільні прыпынена пасля рашэння Літвы аб зніжэнні ўзроўню яе аховы. Пра змены ў працы паведаміў яе дыпламатычны дарадца Дзяніс Кучынскі.
«Гэта звязана са зменамі ў сістэме аховы і бяспекі. Мы не можам агучваць дэталі з меркаванняў бяспекі. У офісе застаецца толькі частка неабходнай аперацыйнай каманды, астатнія супрацоўнікі перайшлі на дыстанцыйны фармат працы.
Мы знаходзімся ў пастаянным кантакце з нашымі літоўскімі партнёрамі адносна дэталяў новай сістэмы бяспекі. Пасля таго, як будзе зразумела, як менавіта яна будзе рэалізавана, будуць прыняты рашэнні адносна фармату далейшай працы Офіса», — заявіў Кучынскі.
Кучынскі дадае, што дзейнасць Офіса не спыненая як такая — гаворка ідзе толькі пра часовае прыпыненне працы фізічнага офісу ў Вільні.
Чытайце таксама:
У Офісе Ціханоўскай пракаментавалі рашэнне знізіць узровень яе фізічнай аховы ў Літве
Былы кіраўнік МЗС Літвы раскрытыкаваў паніжэнне ўзроўню аховы Ціханоўскай
Прэм'ер-міністр Літвы: Узровень аховы Ціханоўскай скарэкціраваны з улікам узроўню пагроз