Praca fizičnaha ofisa Cichanoŭskaj u Vilni časova prypyniena
Častka supracoŭnikaŭ pierajšła na dystancyjny farmat pracy, pakul nie buduć adładžanyja novyja ałharytmy biaśpieki.
Fota: Ofis Śviatłany Cichanoŭskaj
Praca fizičnaha ofisa Cichanoŭskaj u Vilni prypyniena paśla rašeńnia Litvy ab źnižeńni ŭzroŭniu jaje achovy. Pra źmieny ŭ pracy paviedamiŭ jaje dypłamatyčny daradca Dzianis Kučynski.
«Heta źviazana sa źmienami ŭ sistemie achovy i biaśpieki. My nie možam ahučvać detali ź mierkavańniaŭ biaśpieki. U ofisie zastajecca tolki častka nieabchodnaj apieracyjnaj kamandy, astatnija supracoŭniki pierajšli na dystancyjny farmat pracy.
My znachodzimsia ŭ pastajannym kantakcie z našymi litoŭskimi partniorami adnosna detalaŭ novaj sistemy biaśpieki. Paśla taho, jak budzie zrazumieła, jak mienavita jana budzie realizavana, buduć pryniaty rašeńni adnosna farmatu dalejšaj pracy Ofisa», — zajaviŭ Kučynski.
Kučynski dadaje, što dziejnaść Ofisa nie spynienaja jak takaja — havorka idzie tolki pra časovaje prypynieńnie pracy fizičnaha ofisu ŭ Vilni.
Čytajcie taksama:
U Ofisie Cichanoŭskaj prakamientavali rašeńnie źnizić uzrovień jaje fizičnaj achovy ŭ Litvie
Były kiraŭnik MZS Litvy raskrytykavaŭ panižeńnie ŭzroŭniu achovy Cichanoŭskaj
Premjer-ministr Litvy: Uzrovień achovy Cichanoŭskaj skarekciravany z ulikam uzroŭniu pahroz