ЗША далі зразумець Лукашэнку, што чакаюць спынення запуску метэазондаў у Літву
Спецыяльны прадстаўнік прэзідэнта ЗША Дональда Трампа Джон Коўл пракаментаваў запуск метэазондаў з Беларусі ў Літву і адзначыў, што Мінск павінен спыніць падобныя інцыдэнты ў будучыні. Ён зрабіў такую заяву падчас сустрэчы з літоўскім паслом у ЗША Гедымінасам Варвуолісам 28 кастрычніка.
Прадстаўнік Трампа Джон Коўл і Аляксандр Лукашэнка. Фота: Belarusian Presidential Press Service via AP
«Сёння днём у мяне адбылася плённая сустрэча з паслом Літвы Варвуолісам. Мы абмеркавалі намаганні прэзідэнта Трампа, накіраваныя на спыненне вайны ва Украіне. Я ясна даў зразумець, што мы выказваем салідарнасць з Літвой у сувязі з нядаўнімі ўварваннямі паветраных шароў. Беларусь павінна прадухіліць падобныя выпадкі ў будучыні», — напісаў Коўл у сацсетцы X.
На мінулым тыдні аэрапорты Літвы закрываліся чатыры разы праз запуск метэазондаў, якія выкарыстоўваюцца для перавозкі кантрабандных цыгарэт з Беларусі. У выніку ад гэтага пацярпелі ў агульным ліку больш за 140 рэйсаў і больш за 20 тысяч пасажыраў. Літва ў адказ з 26 кастрычніка амаль цалкам закрыла мяжу з Беларуссю.
Чытайце таксама:
Наўседа пра рэакцыю Лукашэнкі: Хочацца, каб было больш балюча
У ЕС пракаментавалі сітуацыю з беларускімі метэазондамі над Літвой
«Вар’яцкая афёра». Лукашэнка пракаментаваў закрыццё літоўскай мяжы