Топ-5 жанчын беларускай эміграцыі па версіі Канстанціна Каверына

абмяркоўвайце!

«Гэта не рэйтынг самых сэксуальных ці самых жаданых альбо прыгожых. Гэта рэйтынг самых цудоўных жанчын Беларусі».

Леся Руднік, Святлана Паўлоўская, Вольга Хіжынкова. 

Адной з тэм для абмеркавання ў чарговым выпуску «Обычного вечера» стала навіна аб тым, што часопіс People назваў самага сэксуальнага мужчыну 2025 года. Ім стаў англійскі акцёр Джонатан Бэйлі.

Вядоўца праграмы Канстанцін Каверын у сваю чаргу агучыў асабісты топ-5 жанчын беларускай эміграцыі:

«Гэта не рэйтынг самых сэксуальных, ці самых жаданых альбо самых прыгожых, гэта, хутчэй, рэйтынг самых цудоўных жанчын беларускай эміграцыі.

Гэта мой асабісты топ-5. Ніякі фемпатруль тут не ўдзельнічаў, ніякі жаночы чацік, ніякія падпісчыкі. Гэта я пасядзеў сам з сабой і падумаў. Гэта выключна мой суб’ектыўны рэйтынг», — падкрэсліў Каверын.

Па словах вядучага, ён не браў жанчын з Беларусі, каб не ствараць для іх праблем:

«Калі б мы ўзялі каго-небудзь з Беларусі, то яе б расстралялі».

Акрамя гэтага, з рэйтынгу была выключана калега-сувядоўца Марына Ментусава.

На пытанне, ці ўзгадніў ён свой рэйтынг з жонкай, Каверын адказаў: «Размова была. І яшчэ, я думаю, будзе».

На пятае месца ў сваім рэйтынгу Канстанцін паставіў экспертку па камунікацыі, былую супрацоўніцу Офіса Святланы Ціханоўскай Настассю Касцюгову.

Настасся Касцюгова. Фота: lessprit / Instagram

«У J:морса ёсць такая песня: «Ты молчишь, но говорят уголки дрожащих губ». Гэта цалкам магло бы быць спета і пра яе». І сваімі рысамі твару яна вельмі падобная да сваёй цудоўнай маці, неверагодна прыгожай таксама. І я бачу і знаходжу ў гэтым нейкую высакароднасць. Высакароднасць у сукупнасці са здаровым сэнсам, і ў выпадку вось менавіта гэтай жанчыны, гэтай дзяўчыны, гэта падкупляючая весялосць і натуральнасць», — так ахарактарызаваў Каверын Настассю.

Чацвёртае месца вядучы аддаў спявачцы Ганне Шаркуновай, якая, па яго словах, увасабляе «максімальную жаноцкасць»:

«Гэта якраз чалавек пра жаноцкасць і эмпатыю. Плюс эстэтыка, якую яна з сабой нясе. Гэта максімальная жаноцкасць, я б так гэта назваў».

Ганна Шаркунова. Фота: anasharky / Instagram

На трэцім месцы апынулася Леся Руднік — дырэктарка Цэнтра новых ідэй. Каверын прызнаўся, што калі Руднік прыходзіць у эфір, яму «часам бывае цяжкавата яе слухаць».

Леся Руднік. Фота: newbelarus.vision

«Яшчэ мне падабаецца момант, калі яна загаворваецца. Гэта значыць, што яна настолькі захопленая сваёй тэмай, што вось яна загаворваецца, і яе вельмі цяжка перапыніць ці неяк усунуцца паміж яе думкамі. І такое адчуванне, што калі яна загаворваецца, яна быццам бы ўжо не заўважае гэтай сваёй прыгажосці, што робіць яе яшчэ больш цудоўнай. Вось гэта яе захопленасць, памножаная на інтэлект і прыгажосць».

Вольга Хіжынкова. Фота: volgena / Instagram

Другое месца дасталася Вользе Хіжынковай, якая, на думку вядучага, у гэтай намінацыі магла б паспаборнічаць з Ганнай Шаркуновай. Але Каверына падкупіла ў ёй нешта іншае:

«Я не ведаю, чаму Шаркунова на чацвёртым месцы, а яна на другім. Ведаеш, што мяне падкупляе ў гэтым чалавеку? Дабрыня. Дабрыня нейкая неверагодная, усёабдымная, такая вось прама дабрыня, дабрыня, дабрыня. І калі ты судакранаешся з ёй дзесьці, атрымліваеш зарад такой нейкай энергіі: цёплай, добрай, светлай».

Святлана Паўлоўская. Скрын відэа: vecher_by / YouTube

На першае месца Канстанцін Каверын паставіў сваю жонку:

«Гэта непублічны чалавек. Яна шмат пераспрабавала розных прафесій, і ў дадзены момант яна займаецца нутрыцыялогіяй. Гэта вельмі прыгожая жанчына. Гэта вельмі моцная жанчына. Святлана Паўлоўская».

Каментары да артыкула