Top-5 žančyn biełaruskaj emihracyi pa viersii Kanstancina Kavieryna

abmiarkoŭvajcie!

«Heta nie rejtynh samych seksualnych ci samych žadanych albo pryhožych. Heta rejtynh samych cudoŭnych žančyn Biełarusi».

Lesia Rudnik, Śviatłana Paŭłoŭskaja, Volha Chižynkova. 

Adnoj z tem dla abmierkavańnia ŭ čarhovym vypusku «Obyčnoho viečiera» stała navina ab tym, što časopis People nazvaŭ samaha seksualnaha mužčynu 2025 hoda. Im staŭ anhlijski akcior Džonatan Bejli.

Viadoŭca prahramy Kanstancin Kavieryn u svaju čarhu ahučyŭ asabisty top-5 žančyn biełaruskaj emihracyi:

«Heta nie rejtynh samych seksualnych, ci samych žadanych albo samych pryhožych, heta, chutčej, rejtynh samych cudoŭnych žančyn biełaruskaj emihracyi.

Heta moj asabisty top-5. Nijaki fiempatrul tut nie ŭdzielničaŭ, nijaki žanočy čacik, nijakija padpisčyki. Heta ja pasiadzieŭ sam z saboj i padumaŭ. Heta vyklučna moj subjektyŭny rejtynh», — padkreśliŭ Kavieryn.

Pa słovach viadučaha, jon nie braŭ žančyn ź Biełarusi, kab nie stvarać dla ich prablem:

«Kali b my ŭziali kaho-niebudź ź Biełarusi, to jaje b rasstralali».

Akramia hetaha, z rejtynhu była vyklučana kaleha-suviadoŭca Maryna Mientusava.

Na pytańnie, ci ŭzhadniŭ jon svoj rejtynh z žonkaj, Kavieryn adkazaŭ: «Razmova była. I jašče, ja dumaju, budzie».

Na piataje miesca ŭ svaim rejtynhu Kanstancin pastaviŭ ekśpiertku pa kamunikacyi, byłuju supracoŭnicu Ofisa Śviatłany Cichanoŭskaj Nastaśsiu Kaściuhovu.

Nastaśsia Kaściuhova. Fota: lessprit / Instagram

«U J:morsa jość takaja pieśnia: «Ty mołčiš, no hovoriat uhołki drožaŝich hub». Heta całkam mahło by być śpieta i pra jaje». I svaimi rysami tvaru jana vielmi padobnaja da svajoj cudoŭnaj maci, nievierahodna pryhožaj taksama. I ja baču i znachodžu ŭ hetym niejkuju vysakarodnaść. Vysakarodnaść u sukupnaści sa zdarovym sensam, i ŭ vypadku voś mienavita hetaj žančyny, hetaj dziaŭčyny, heta padkuplajučaja viesiałość i naturalnaść», — tak acharaktaryzavaŭ Kavieryn Nastaśsiu.

Čaćviortaje miesca viadučy addaŭ śpiavačcy Hańnie Šarkunovaj, jakaja, pa jaho słovach, uvasablaje «maksimalnuju žanockaść»:

«Heta jakraz čałaviek pra žanockaść i empatyju. Plus estetyka, jakuju jana z saboj niasie. Heta maksimalnaja žanockaść, ja b tak heta nazvaŭ».

Hanna Šarkunova. Fota: anasharky / Instagram

Na trecim miescy apynułasia Lesia Rudnik — dyrektarka Centra novych idej. Kavieryn pryznaŭsia, što kali Rudnik prychodzić u efir, jamu «časam byvaje ciažkavata jaje słuchać».

Lesia Rudnik. Fota: newbelarus.vision

«Jašče mnie padabajecca momant, kali jana zahavorvajecca. Heta značyć, što jana nastolki zachoplenaja svajoj temaj, što voś jana zahavorvajecca, i jaje vielmi ciažka pierapynić ci niejak usunucca pamiž jaje dumkami. I takoje adčuvańnie, što kali jana zahavorvajecca, jana byccam by ŭžo nie zaŭvažaje hetaj svajoj pryhažości, što robić jaje jašče bolš cudoŭnaj. Voś heta jaje zachoplenaść, pamnožanaja na intelekt i pryhažość».

Volha Chižynkova. Fota: volgena / Instagram

Druhoje miesca dastałasia Volzie Chižynkovaj, jakaja, na dumku viadučaha, u hetaj naminacyi mahła b paspaborničać z Hannaj Šarkunovaj. Ale Kavieryna padkupiła ŭ joj niešta inšaje:

«Ja nie viedaju, čamu Šarkunova na čaćviortym miescy, a jana na druhim. Viedaješ, što mianie padkuplaje ŭ hetym čałavieku? Dabrynia. Dabrynia niejkaja nievierahodnaja, usioabdymnaja, takaja voś prama dabrynia, dabrynia, dabrynia. I kali ty sudakranaješsia ź joj dzieści, atrymlivaješ zarad takoj niejkaj enierhii: ciopłaj, dobraj, śvietłaj».

Śviatłana Paŭłoŭskaja. Skryn videa: vecher_by / YouTube

Na pieršaje miesca Kanstancin Kavieryn pastaviŭ svaju žonku:

«Heta niepubličny čałaviek. Jana šmat pierasprabavała roznych prafiesij, i ŭ dadzieny momant jana zajmajecca nutrycyjałohijaj. Heta vielmi pryhožaja žančyna. Heta vielmi mocnaja žančyna. Śviatłana Paŭłoŭskaja».

Kamientary da artykuła