Памерла жыхарка Мазыра, якую парэзаў нажом муж

У Мазыры памерла жанчына, на якую 7 лістапада напаў з нажом яе муж. Пра гэта паведамляе тэлеканал «Мазыр».

Падчас інцыдэнту ў кватэры. Скрыншот відэа

Як паведамлялася раней, уначы 7 лістапада ў міліцыю патэлефанавала дачка пацярпелай і сказала, што бацька параніў маці нажом. Калі сілавікі прыехалі на месца здарэння, мужчына быў п’яны, адмаўляўся аддаць нож і пайшоў у бок міліцыянера. Той быў вымушаны стрэліць з пісталета.

Жанчыну даставілі ў бальніцу з не менш як сямю нажавымі ранамі, у тым ліку ў твар і жывот. 10 лістапада яна памерла.

Мужчына цяпер знаходзіцца ў бальніцы. Ён падазраецца ў забойстве з асаблівай жорсткасцю і пагрозе прымянення гвалту да супрацоўніка міліцыі.

У сям’і выхоўвалася чацвёра дзяцей. Цяпер яны ў сваякоў.

Каментары да артыкула