Цуд у Лондане: Гулец зборнай Літвы зарабіў дзевяць балаў за дзевяць секундаў да канца сустрэчы
Ігнас Саргюнас здолеў учора зрабіць цуд у Лондане.
Зборная Літвы па баскетболе ўчора ў сталіцы Брытаніі праводзіла першы матч адборачнага турніру да чэмпіянату свету.
За 9,8 секунды да канца сустрэчы Літва саступала 80:87, але тут за справу ўзяўся гулец віленскага «Рытаса» Ігнас Саргюнас. Спачатку ён закінуў трохачковік, Брытанія са штрафнога адквітала адзін бал, потым Ігнас паклаў у кошык яшчэ трохбальнік, а потым спыніў атаку брытанцаў і ледзь не з сярэдзіны поля на апошняй долі секунды закінуў у кошык — 89:88.
Яго гульню параўноўваюць з легендарным подзвігам Рэджы Мілера ў 1995 годзе, калі гулец «Індыяны» набраў восем балаў за 8,9 секунды ў паўфінале плэй-оф НБА.
Ігнас учора быў прызнаны найлепшым гульцом сустрэчы з 8,6 баламі.