Cud u Łondanie: Hulec zbornaj Litvy zarabiŭ dzieviać bałaŭ za dzieviać siekundaŭ da kanca sustrečy
Ihnas Sarhiunas zdoleŭ učora zrabić cud u Łondanie.
Zbornaja Litvy pa baskietbole ŭčora ŭ stalicy Brytanii pravodziła pieršy matč adboračnaha turniru da čempijanatu śvietu.
Za 9,8 siekundy da kanca sustrečy Litva sastupała 80:87, ale tut za spravu ŭziaŭsia hulec vilenskaha «Rytasa» Ihnas Sarhiunas. Spačatku jon zakinuŭ trochačkovik, Brytanija sa štrafnoha adkvitała adzin bał, potym Ihnas pakłaŭ u košyk jašče trochbalnik, a potym spyniŭ ataku brytancaŭ i ledź nie ź siaredziny pola na apošniaj doli siekundy zakinuŭ u košyk — 89:88.
Jaho hulniu paraŭnoŭvajuć ź lehiendarnym podźviham Redžy Milera ŭ 1995 hodzie, kali hulec «Indyjany» nabraŭ vosiem bałaŭ za 8,9 siekundy ŭ paŭfinale płej-of NBA.
Ihnas učora byŭ pryznany najlepšym hulcom sustrečy z 8,6 bałami.