Крышціяну Раналду інвеставаў у заснаваны беларусам стартап
Знакаміты партугальскі футбаліст Крышціяну Раналду інвеставаў у пошукавы сэрвіс з выкарыстаннем штучнага інтэлекту Perplexity AI.
Фота: інстаграм Крышціяну Раналду
Навіной футбаліст падзяліўся на сваёй старонцы ў сацыяльнай сетцы X.
«Пераможцы ніколі не перастаюць вучыцца. Ніколі не пераставайце пытацца», — напісаў Раналду, прымацаваўшы відэа з анонсам праекта.
На афіцыйным сайце Perplexity ужо з’явіўся асобны раздзел, прысвечаны легендарнаму футбалісту.
Стартап Perplexity заснаваў беларус Дзяніс Ярац з двума партнёрамі ў ЗША, дзе жыве ўжо больш за 10 гадоў. У канцы 2024 года праект прызналі адным з самых дарагіх маладых стартапаў. У ліпені 2025‑га яго ацанілі ў $18 млрд, а ўжо ў верасні ацэнка вырасла да $20 млрд, піша Office Life.
У ліпені быў прадстаўлены дэсктопны варыянт браўзера з ШІ Comet для Windows і macOS. А нядаўна Perplexity выпусціў версію ШІ-браўзера для прылад на Android. Цяпер кампанія рыхтуе версію браўзера і для iOS, якая павінна выйсці «ў найбліжэйшыя тыдні».
Чытайце таксама:
Створаны беларусам стартап панізіў акцыі Duolingo
Заснаваны беларусам стартап збіраецца купіць Google Chrome за $34,5 млрд
Заснаваны беларусам стартап запартнёрыўся з сацсеткай Трампа