На пажары ў Докшыцкім раёне загінулі тры чалавекі
Трагедыя адбылася сёння ўначы ў вёсцы Казлы Докшыцкага раёна. Гаспадар дома даў прытулак аднавяскоўцам, у якіх скончыліся дровы, але гэта скончылася смерцю для ўсіх траіх.
Пажар успыхнуў у прыватным доме сёння ўначы. Калі ратавальнікі патушылі агонь, пад абломкамі знайшлі целы трох чалавек. Паводле папярэдніх звестак, гэта сам гаспадар і яго госці — мужчына і жанчына.
Па словах суседзей, уладальнік дома прытуліў у сябе дваіх чалавек, у якіх скончыліся дровы. Са студзеня яны жылі ў адным доме. Раней у гэтым доме ўжо былі ўзгаранні праз непатушаную цыгарэту, паведамляе прэс-служба МНС.