Na pažary ŭ Dokšyckim rajonie zahinuli try čałavieki
Trahiedyja adbyłasia siońnia ŭnačy ŭ vioscy Kazły Dokšyckaha rajona. Haspadar doma daŭ prytułak adnaviaskoŭcam, u jakich skončylisia drovy, ale heta skončyłasia śmierciu dla ŭsich traich.
Pažar uspychnuŭ u pryvatnym domie siońnia ŭnačy. Kali ratavalniki patušyli ahoń, pad abłomkami znajšli cieły troch čałaviek. Pavodle papiarednich źviestak, heta sam haspadar i jaho hości — mužčyna i žančyna.
Pa słovach susiedziej, uładalnik doma prytuliŭ u siabie dvaich čałaviek, u jakich skončylisia drovy. Sa studzienia jany žyli ŭ adnym domie. Raniej u hetym domie ŭžo byli ŭzharańni praź niepatušanuju cyharetu, paviedamlaje pres-słužba MNS.