У рэгістрацыі «Брэсцкай Вясне» адмоўлена
Брэсцкі абласны суд прызнаў законнай пастанову аддзела юстыцый аблвыканкама аб нерэгістрацыі праваабарончай арганізацыі «Брэсцкая Вясна». З 2006 года чыноўнікі адмаўляюць аб’яднанню ў рэгістрацыі.
Галоўная прычына нерэгістрацыі: памылка ў прапісцы аднаго з ініцыятараў стварэння «Брэсцкай Вясны».
Праваабаронца Уладзімір Малей паведаміў, што доказаў таго, што памылка зроблена не заснавальнікамі, хапае:
— Думаю, што гэта адмыслова зроблена на час рэгістрацыі, а пасля без яго ведама выпраўляць у кампутары ўсе неабходныя дадзеныя. На момант рэгістрацыі ён лічыцца ў доме, які не існуе, і на гэтых падставах не рэгіструюць. Надалей будуць працягвацца спробы рэгістрацыі «Брэсцкай Вясны», нягледзячы на затраты значных грашовых сродкаў, адзначыў праваабаронца Уладзімір Вялічкін, адзін з заснавальнікаў аб’яднання.