U rehistracyi «Bresckaj Viaśnie» admoŭlena
Brescki abłasny sud pryznaŭ zakonnaj pastanovu adździeła justycyj abłvykankama ab nierehistracyi pravaabarončaj arhanizacyi «Bresckaja Viasna». Z 2006 hoda čynoŭniki admaŭlajuć abjadnańniu ŭ rehistracyi.
Hałoŭnaja pryčyna nierehistracyi: pamyłka ŭ prapiscy adnaho ź inicyjataraŭ stvareńnia «Bresckaj Viasny».
Pravaabaronca Uładzimir Malej paviedamiŭ, što dokazaŭ taho, što pamyłka zroblena nie zasnavalnikami, chapaje:
— Dumaju, što heta admysłova zroblena na čas rehistracyi, a paśla bieź jaho viedama vypraŭlać u kamputary ŭsie nieabchodnyja dadzienyja. Na momant rehistracyi jon ličycca ŭ domie, jaki nie isnuje, i na hetych padstavach nie rehistrujuć. Nadalej buduć praciahvacca sproby rehistracyi «Bresckaj Viasny», niahledziačy na zatraty značnych hrašovych srodkaŭ, adznačyŭ pravaabaronca Uładzimir Vialičkin, adzin z zasnavalnikaŭ abjadnańnia.