На трактары «Беларус» усталяваны новы рэкорд хуткасці: 121 кіламетр за гадзіну

27.02.2012 / 14:39

Гоначны трактар пазмагаецца з уседарожнікам.

У Растоўскай вобласці Расіі ўсталяваны сусветны рэкорд хуткасці на трактары, створаным на базе 25-гадовага «Беларуса». Пра гэта паведамляе кампанія «Бізон», інжынеры якой працавалі над стварэннем гоначнай сельгасмашыны.

Упершыню ў свеце сельскагаспадарчы трактар удалося разагнаць да 121 кіламетра за гадзіну.

Рэкорд хуткасці паказаны ў Растоўскай вобласці на ўчастку з лядовым пакрыццём замёрзлага возера в. Кісялёва. Вышыня снегу дасягала 10 см, што трохі запавольвала рух. Вымярэнне хуткасці рабілася з дапамогай спадарожнікавага навігатара. Кіраваў сельгасмашын Сяргей Сухавенка, майстар спорту міжнароднага класа, ідэйны натхняльнік трактарных спаборніцтваў. Раней стокіламетровую планку не змог пераадолець ніводны трактар.

20 мая ў Растове-на-Доне на «Бізон Трэк-2012-Шоу» гоначны трактар пазмагаецца з уседарожнікам. У спаборніцтвах з іншымі трактарамі прататып не ўдзельнічае з прычыны адсутнасці відавочных канкурэнтаў.

Чытайце таксама:

Каментары да артыкула