Na traktary «Biełarus» ustalavany novy rekord chutkaści: 121 kiłamietr za hadzinu

27.02.2012 / 14:39

Honačny traktar pazmahajecca z usiedarožnikam.

U Rastoŭskaj vobłaści Rasii ŭstalavany suśvietny rekord chutkaści na traktary, stvoranym na bazie 25-hadovaha «Biełarusa». Pra heta paviedamlaje kampanija «Bizon», inžyniery jakoj pracavali nad stvareńniem honačnaj sielhasmašyny.

Upieršyniu ŭ śviecie sielskahaspadarčy traktar udałosia razahnać da 121 kiłamietra za hadzinu.

Rekord chutkaści pakazany ŭ Rastoŭskaj vobłaści na ŭčastku ź ladovym pakryćciom zamiorzłaha voziera v. Kisialova. Vyšynia śniehu dasiahała 10 sm, što trochi zapavolvała ruch. Vymiareńnie chutkaści rabiłasia z dapamohaj spadarožnikavaha navihatara. Kiravaŭ sielhasmašyn Siarhiej Suchavienka, majstar sportu mižnarodnaha kłasa, idejny natchnialnik traktarnych spabornictvaŭ. Raniej stokiłamietrovuju płanku nie zmoh pieraadoleć nivodny traktar.

20 maja ŭ Rastovie-na-Donie na «Bizon Trek-2012-Šou» honačny traktar pazmahajecca z usiedarožnikam. U spabornictvach ź inšymi traktarami pratatyp nie ŭdzielničaje z pryčyny adsutnaści vidavočnych kankurentaŭ.

Čytajcie taksama:

Kamientary da artykuła