У Кобрыне ад выбуху гранаты загінулі 55-гадовы мужчына з сынам

Выпадак адбыўся на пустцы.

У Кобрыне ў выніку выбуху на пустцы загінулі двое мясцовых жыхароў.

Як паведаміл ў Кобрынскім раённым аддзеле Следчага камітэта, гэта адбылося 25 красавіка прыблізна ў 20.30 у раёне вуліцы Дружба. Пра надзвычайнае здарэнне паведаміў у Кобрынскі РАУС участковы інспектар міліцыі.

На месца здарэння выехалі супрацоўнікі аддзела ўнутраных спраў, Кобрынскага раённага аддзела Следчага камітэта і КДБ.

Яны знайшлі цела загінулага 55-гадовага мужчыны, якое ляжала на зямлі, з колатымі ранамі тулава і канечнасцяў, а побач — параненым яго 33-гадовага сына. Пацярпелы з траўматычнай ампутацыяй правай кісці, палітраўмай, шматлікімі колатымі ранамі галавы, тулава, канечнасцяў і траўматычным шокам быў дастаўлены ў Кобрынскую цэнтральную раённую бальніцу. Каля 22.30 ён памёр у рэанімацыйным аддзяленні лячэбнай установы.

З месца выбуху ўзята дэталь, як мяркуецца, ад ручной гранаты РГД 5.

Праверку па факце гібелі мужчын праводзіць Кобрынскі раённы аддзел Следчага камітэта.

Каментары да артыкула