U Kobrynie ad vybuchu hranaty zahinuli 55-hadovy mužčyna z synam

Vypadak adbyŭsia na pustcy.

U Kobrynie ŭ vyniku vybuchu na pustcy zahinuli dvoje miascovych žycharoŭ.

Jak paviedamił ŭ Kobrynskim rajonnym adździele Śledčaha kamiteta, heta adbyłosia 25 krasavika pryblizna ŭ 20.30 u rajonie vulicy Družba. Pra nadzvyčajnaje zdareńnie paviedamiŭ u Kobrynski RAUS učastkovy inśpiektar milicyi.

Na miesca zdareńnia vyjechali supracoŭniki adździeła ŭnutranych spraŭ, Kobrynskaha rajonnaha adździeła Śledčaha kamiteta i KDB.

Jany znajšli cieła zahinułaha 55-hadovaha mužčyny, jakoje lažała na ziamli, z kołatymi ranami tułava i kaniečnaściaŭ, a pobač — paranienym jaho 33-hadovaha syna. Paciarpieły z traŭmatyčnaj amputacyjaj pravaj kiści, palitraŭmaj, šmatlikimi kołatymi ranami hałavy, tułava, kaniečnaściaŭ i traŭmatyčnym šokam byŭ dastaŭleny ŭ Kobrynskuju centralnuju rajonnuju balnicu. Kala 22.30 jon pamior u reanimacyjnym adździaleńni lačebnaj ustanovy.

Ź miesca vybuchu ŭziata detal, jak miarkujecca, ad ručnoj hranaty RHD 5.

Pravierku pa fakcie hibieli mužčyn pravodzić Kobrynski rajonny adździeł Śledčaha kamiteta.

Kamientary da artykuła