«Вы ведаеце, у якой псіхалагічнай сітуацыі мы рыхтаваліся» — Яфімаў падсыпаў допінг Астапчук у каву

«Я спадзяваўся, што забаронены прэпарат паспее пакінуць арганізм Астапчук яшчэ да прылёту ў Лондан».

Астапчук віншуе Яфімава адразу пасля заваявання золата, Лондан, 6 жніўня 2012.

Трэнер Надзеі Астапчук Аляксандр Яфімаў у падрабязнасцях распавёў пра тое, якім чынам яму прыйшлося дадаць у ежу спартсменцы забаронены прэпарат і чаму вырашыў прызнацца ў гэтым.

— Аляксандр Мікалаевіч, справа прыняла нечаканы абарот. Вы сапраўды падсыпалі Надзеі забаронены прэпарат?

— На жаль, гэта так.

— Але гэта супраць здаровага глузду!

— Вы ведаеце, у якой псіхалагічна складанай сітуацыі мы рыхтаваліся да Алімпійскіх гульняў.

З іншага — ад нас чакалі медаля. І не проста медаля, а золата.

У прыватнасці, у залу цяжкай атлетыкі СКА, дзе мы трэніруемся, прыязджалі міністр спорту Алег Качан і памочнік прэзідэнта Ігар Заічкоў.

— Наколькі памятаю, на трох хатніх турнірах у чэрвені і ліпені Надзея паспяхова штурмавала свае ж нацыянальныя рэкорды, і бачных падстаў для турботаў не было.

— Вы правільна сказалі — «бачных». На самай справе Надзя гарэла як запалка, псіхалагічнае напружанне нарастала.

Трэніроўка, якую мы правялі 30 ліпеня ўжо пасля здачы допінг-пробы, мяне збянтэжыла і ўсхвалявала. Я стаў нервавацца, мітусіцца і вырашыў, што крыху метаналона ў гэтай сітуацыі можа выручыць.

— Адкуль у вас забаронены прэпарат?

— Мне 63 гады, узрост немалы. Ёсць праблемы са здароўем. Ведаю, што метаналон дае добры тэрапеўтычны эфект.

Вось і ўзяў трохі і падмяшаў у каву для Надзі. Зразумела, я ёй нічога не казаў, бо яна дала б мне наганяй і магла адмовіцца ад паездкі ў Лондан.

— Але вы ж ведалі, што ў Надзі абавязкова возьмуць допінг-тэст?

— Ведаў, аднак спадзяваўся, што прэпарат паспее пакінуць арганізм яшчэ да прылёту ў Лондан,

Каментары да артыкула