Štab Milinkieviča pačaŭ pracu
Štodzionnaja praca štabu adzinaha kandydata pačałasia 17 kastryčnika.
Kiruje štabam Siarhiej Kalakin, jaho namieśnikami stali Vincuk Viačorka (jon adkazny za dačynieńni z davieranymi asobami kandydata j mižnarodnyja suviazi), Alaksandar Dabravolski (ahitacyjna-reklamnaje j infarmacyjna-analityčnaje zabeśpiačeńnie) i Viktar Karniajenka (jon adkazvaje za arhanizacyjna-masavuju pracu j techničnaje zabeśpiačeńnie). Siabra biuro CK PKB Valer Uchnaloŭ uznačaliŭ kiraŭnictva spraŭ pretendenta. Jość u štabie adkaznyja za padbor vałanteraŭ, padrychtoŭku vizytaŭ u rehijony, biaśpieku.
∎
Ekanomija na achovie
Adziny kandydat dahetul nie zabiaśpiečany nijakaj achovaj i sam kiruje svaim «Pežo». Čamu? A.Milinkievič paciskaje plačyma: «Niama hrošaj».
∎
KDB pryniuchvajecca da adzinaha
Jak paviedamiŭ www.hrodna.by, viosku Bieršty, dzie znachodzicca dom Alesia Milinkieviča, naviedali dva supracoŭniki Ščučynskaha KDB. Sam Milinkievič u minułuju sieradu pierajechaŭ na žycharstva ŭ Miensk.