Salidarnaść — štomiesiac 16-ha!
Na Kanhresie demakratyčnych sił najbolš spadabaŭsia deviz — «Razam za svabodu i pieramieny!».
Urešcie treba pastavić kropku i skazać: «Niama pryvatnaj prablemy Skrabca. Niama vuzkakaalicyjnaj idei referendumu Vajtoviča, Frałova, Lavonava. Niama bolu tolki blizkich źnikłych palitykaŭ». Jość ahulnanacyjanalnaja prablema pieraśledu za inšadumstva, i jaje achviaraj źjaŭlajecca Siarhiej Skrabiec. Jość prablema kamunikacyi apazycyi z hramadztvam, i padrychtoŭka da referendumu dazvolić kantaktavać z vybarščykami i liberałam, i sacyjał-demakratam, i kamunistam, i siabram Partyi BNF. A ideja Krasoŭskaj, Chalip, Sasima pra 16-ha — heta mahčymaść biełarusam adčuć salidarnaść. Niezaležna ad palityčnych pohladaŭ, sympatyj i antypatyj.
I pakul «adziny» farmuje vybarčyja štaby, demakratyčnaja hramadzkaść mahła b plonna rychtavać akcyi da 16 listapada, potym — 16 śniežnia. Razam my mahli b aptymizavać alharytm praviadzieńnia akcyi salidarnaści 16-ha. Ja sam adpraviŭ bolš za dva dziasiatki SMS, i abanenty dobra pastavilisia da hetaj idei. A kolki hramadzian my nie dałučyli da akcyi, tamu što dziejničali niesalidarna!.. Ale ŭ nas jašče jość čas, kab vypravicca i prademanstravać režymu moc salidarnych dziejańniaŭ.