Na MKAD kala Prytyckaha sprabujuć złavić karovu
Na Minskaj kalcavoj aŭtadarozie biehaje karova. Jaje, pakul biespaśpiachova, sprabujuć złavić niekalki čałaviek, u tym liku inśpiektary DAI.Ab hetym paviedamiła staršy inśpiektar pa ahitacyi i prapahandzie ADAI Frunzienskaha rajona stalicy Alena Vołčak.
Siońnia kala 14.00 z hruzavika MAZ, jaki pieravoziŭ bujnuju rahatuju žyviołu, vyvaliłasia karova.
Heta adbyłosia na 34-m kiłamietry źniešniaha kalca MKAD. Pakul nielha ničoha skazać pra toje, ci atrymała žyvioła jakija-niebudź paškodžańni. Karovu nie mohuć złavić ni kiroŭca hruzavika, ni inśpiektary DPS. Karova, vidać, ad strachu, kidajecca na ludziej i nie daje siabie zahnać nazad u hruzavik.