Viečar «Dynama»
Mienskaje «Dynama» vyjšła ŭ druhi kvalifikacyjny raŭnd Kubku ŬEFA. A bieraściejskaje vybyła z baraćby.
Mienskaje «Dynama» vyjšła ŭ druhi kvalifikacyjny raŭnd Kubku ŬEFA. Siońnia na chatnim stadyjonie mienčuki pierakanaŭča pieramahli ryskaje «Skonta» – 2:0. Abodva hały ŭ druhim tajmie zabiŭ niadaŭni navičok «Dynama» słavacki napadnik Robert Rak.
Pieršaja hulnia dva tydni tamu ŭ stalicy Łatvii pryniesła ničyjny vynik – 1:1.
A voś bieraściejskim dynamaŭcam nie pašancavali. Jany prajhrali lijepajskamu «Metalurhu» ŭ Bieraści ź likam 1:2. Pieršaja sustreča hetych kamand skončyłasia ź likam 1:1.