BATE źviarnuŭsia ŭ sud u Łazanie nakont spravy Hutara

19.03.2013 / 20:6

Nashaniva.com

Historyja ź pierachodam hałkipiera Alaksandra Hutara z BATE ŭ minskaje «Dynama» atrymała novy abarot. Barysaŭski kłub źviarnuŭsia ŭ spartyŭny arbitražny sud Łazany.

Hetuju infarmacyju paćvierdzili ŭ mižnarodna-pravavym departamiencie Biełaruskaj fiederacyi futboła, piša Sport.tut.by

***

Hutar, jaki ŭ 2011 hodzie pryznavaŭsia najlepšym futbalistam krainy, sa skandałam syšoŭ z barysaŭskaha BATE, dzie, na jaho dumku, atrymlivaŭ mała hulniovaj praktyki.

22 studzienia kamitet BFF pa statusu futbalistaŭ dazvoliŭ Hutaru pakinuć kłub z vypłataj kampiensacyi ŭ 180 tys. dalaraŭ ZŠA. Bramnik źviarnuŭsia ŭ BFF u suviazi z tym, što ŭ siezonie-2012 hulaŭ mienš čym u 10% matčaŭ. Futbolny arbitraž BFF na pasiadžeńni 15 lutaha nie zadavoliŭ apielacyju BATE na rašeńnie kamiteta. Barysaŭski kłub jašče ŭ studzieni zajaviŭ, što budzie źviartacca ŭ mižnarodny spartyŭny arbitražny sud u Łazanie. Hutar, «parušyŭšy adnosiny z kłubam, jaki vychavaŭ jaho, sapsuje sabie karjeru, bo ŭ najbližejšyja miesiacy, a moža być, i hady jaho čakajuć pastajannyja razbory ŭ roznych instancyjach», havaryłasia ŭ zajavie.

19 lutaha Hutar padpisaŭ kantrakt z «Dynama» terminam na try hady, a 16 sakavika debiutavaŭ za staličny kłub u aficyjnych matčach u čverćfinalnym matčy suprać «Šachciora»,

adbiŭšy dva ŭdary ŭ sieryi paślamatčavych pienalci i vyvieŭšy «Dynama» ŭ paŭfinał.

Cikava, što ŭ pieršym tury čempijanatu krainy pa futbole 2013 hoda «Dynama» zhulaje akurat z BATE u Barysavie. Matč projdzie 31 sakavika.

Čytajcie taksama:

Kamientary da artykuła