Kolkaść minčan krychu vyrasła

Kolkaść nasielnictva Minska z 1 studzienia pa 1 sakavika pavialičyłasia na 2,9 tys. čałaviek — da 1 młn. 903,9 tys., paviedamlaje Biełstat.

Va ŭsich abłaściach zafiksavanyja naturalnyja straty nasielnictva: u Bresckaj — na 0,4 tys. (da 1 młn. 390 tys.), Viciebskaj — na 1,2 tys. (da 1 młn. 206,8 tys.), Homielskaj — na 0,7 tys. (da 1 młn. 427 tys.), Hrodzienskaj — na 0,9 tys. (da 1 młn. 57,5 tys.), Minskaj — na 0,7 tys. (da 1 młn. 401,1 tys.), Mahiloŭskaj — na 1 tys. (da 1 młn. 75,5 tys.).

U cełym kolkaść nasielnictva skaraciłasia na 2 tys. — da 9 młn. 461,8 tys.

U studzieni-lutym 2013 hoda naradziłasia 19.049 dziaciej, što na 1.248 bolš, čym u studzieni-lutym 2012 hoda, pamierli 22.712 čałaviek, abo na 387 čałaviek bolš. Naturalnyja straty nasielnictva skłali 3.663 čałavieki.

Dziaciej va ŭzroście da hoda pamierła 66 (za pieršyja dva miesiacy minułaha hoda — 74).

Kolkaść šlubaŭ skłała 10.331 (+1.815), razvodaŭ — 5.525 (-766).

Mihracyjny pryrost u studzieni-lutym 2013 hoda ŭ paraŭnańni z anałahičnym pieryjadam 2012 hoda pavialičyŭsia na 50,5% i skłaŭ 1.645 čałaviek. Stanoŭčaje salda mihracyi źmienšyła naturalnyja straty nasielnictva na 44,9% (u studzieni-lutym 2012 hoda — na 24,2%).

Kamientary da artykuła