U homielskaha «bambiły» zabrali aŭto paśla «kantrolnaj zakupki»
Pryvatny taksist aštrafavany, a jaho aŭtamabil kanfiskavany. Žychar abłasnoha centra dvojčy pryciahvaŭsia da administracyjnaj adkaznaści za zaniatak pradprymalnickaj dziejnaściu bieź dziaržaŭnaj rehistracyi.
Mietadam kantrolnaj zakupki jaho znoŭ pravieryli supracoŭniki inśpiekcyi Ministerstva pa padatkach i zborach pa Centralnym rajonie Homiela i znoŭ vykryli parušeńnie.
Padčas razhladu spravy ŭ haspadarčym sudzie Homielskaj vobłaści kiroŭca svajoj viny nie pryznaŭ. Jon zajaviŭ, što nie atrymlivaŭ materyjalnaha ŭznaharodžańnia ad pasažyraŭ. Razam z tym vyśvietlena, što jon pieryjadyčna zajmaŭsia pradprymalnickaj dziejnaściu, pakolki nie mieŭ stałaha miesca pracy.
Jak paviedamiła sudździa Śviatłana Dziamjančyk, jaho pryznali vinavatym i aštrafavali na 70 bazavych vieličyń, a aŭtamabil «Opiel Viektra» kanfiskavali ŭ dachod dziaržavy.