«Biełaruśkalij» u dva razy pavialičyć pahruzki ŭ Kłajpiedskim porcie

Biełaruski vytvorca ŭhnajeńniaŭ «Biełaruśkalij» maje namier u dva razy pavialičyć abjomy pieravałki ŭ Kłajpiedskim porcie.

Kiraŭnik kłajpiedskaha terminała Biriu kroviniu terminalas (BKT) Vidmantas Dambraŭskas u intervju biźnies-haziecie Verslo zinios skazaŭ, što «Biełaruśkalij» pabuduje novy hornazdabyŭny kambinat, zapuścić cech vytvorčaści kompleksnych uhnajeńniaŭ, tamu adnamu z stratehičnych biełaruskich pradpryjemstvaŭ patrebnyja nadziejnyja partniory i harantyi taho, što hruzy buduć biaśpiečna i svoječasova vyviezieny, tamu takija inviestycyi — uzajemavyhadnyja.

«Biełaruśkalij», pa jaho słovach, nie budzie zajmacca pramymi inviestycyjami — srodki budzie hienieravać rost patoku hruzaŭ praz BKT. Kab zadavolić patreby ŭsich klijentaŭ BKT płanuje budaŭnictva dvuch składoŭ na 40 tys. ton kožny.

U cełym patok biełaruskich hruzaŭ u Kłajpiedskim porcie składaje kala 30% ci 11 młn. ton hadavoha hruzaabarotu — akramia BKT, ŭhnajeńni «Biełaruśkalij» hruzić inšaja litoŭskaja kampanija Klaipedos juru kroviniu kompanija.

Na minułym tydni stała viadoma, što «Biełaruśkalij» pryblizna za 30 młn. dalaraŭ nabyvaje 30% akcyj BKT.

Kamientary da artykuła