Ukrainiec źbieh z kałonii na aŭtazaku i pajechaŭ na im dachaty
Va Ukrainie 22-hadovy źniavoleny kałonii strohaha režymu skraŭ aŭtazak.
Kali mienavita adbyŭsia incydent, nie ŭdakładniajecca. Viadoma tolki, što źniavoleny utrymlivaŭsia ŭ adnoj z kałonij Ivana-Frankoŭskaj vobłaści. Na aŭtazaku jon nakiravaŭsia ŭ susiedniuju — Čarnavickuju vobłaść, dzie jaho i zatrymali.
Jak paviedamili ŭ pres-słužbie rehijanalnaha ŭpraŭleńnia Dziaržaŭtainśpiekcyi, źniavoleny nakiroŭvaŭsia ŭ bok svajho doma. Na trasie jon pieravysiŭ chutkaść, z-za čaho jaho pasprabavaŭ spynić patrul DAI. Kiroŭca aŭtazaka nie padparadkavaŭsia, pačałasia pahonia.
«U vyniku jon spyniŭsia i raspavioŭ, što źbieh i zabraŭ aŭto z kałonii. Na miesca pryjechała apieratyŭnaja hrupa i zabrała jaho ŭ rajadździeł», - udakładniŭ pradstaŭnik DAI.
Pavodle jaho dadzienych, za ŭcioki z papraŭčaj ustanovy i ŭhon aŭtamabila sud moža dadać da ciapierašniaha terminu źniavolenaha jašče 10 hadoŭ.