Pjany lacieŭ na mašynie: złamaŭ płot, staptaŭ časnok i ledź nie stuknuŭsia ŭ chatu - fota

U vioscy Zaborcy (Dokšycki rajon) 16 maja 2013 hoda kiroŭca mašyny Pegeout zajechaŭ u aharod miascovaj žycharki i ledź-ledź nie stuknuŭsia ŭ chatu. Pavodle vidavočcaŭ avaryi, čałaviek na vialikaj chutkaści jechaŭ z boku Parafjanava, ledźvie nie stuknuŭsia ŭ kryž, rezka zatarmaziŭ dy mocna paviarnuŭ uleva.

U vyniku avaryi byŭ złamany płot na padvorku miascovaj žančyny, staptanaja hradka z časnakom dy pamiaty pravy bok mašyny. Mašyna svoječasova spyniłasia — da chaty zastavalisia adzin-dva kroki.

U haspadyni chaty ad spałochu treślisia ruki. «Siadzieła ŭ chacie, hladzieła televizar — i tut mašyna prosta ŭ chatu idzie, dumała, ŭdarycca… A kali b kala chaty była…

U svaim dvary zahinuć možna», — kazała žančyna.

Pasažyr mašyny padyjšoŭ da žurnalista i paprasiŭ nie pisać pra zdareńnie. Jon pryznaŭsia, što kiroŭca mašyny byŭ pjany.

U vyniku zdareńnia nichto nie paciarpieŭ. Viaskoŭcy vyklikali milicyju z Dokšyc.

Kamientary da artykuła