Padletak z-pad Vałožyna zatrymany za «mabilnaje porna» ź niepaŭnaletniaj

U Vałožynskim rajonie raspačataja kryminalnaja sprava ŭ dačynieńni da 18-hadovaha miascovaha žychara, jaki zrabiŭ parnahrafičny rolik z udziełam niepaŭnaletniaj dziaŭčyny i pierasłaŭ jaho na telefon svajho pryjaciela.

Peŭny čas tamu supracoŭniki kryminalnaha vyšuku Vałožynskaha RAUS atrymali apieratyŭnuju infarmacyju pra toje, što 18-hadovy rabočy adnoj ź miascovych fierm bavić volny čas za vyrabam parnahrafičnych rolikaŭ, u jakich jon zdymajecca razam sa svajoj niepaŭnaletniaj siabroŭkaj. Videa jon zdymaŭ z dapamohaj mabilnaha telefona Sony Ericsson Xperia ch8, na jakim i zachoŭvaŭ hatovyja videaroliki.

Pasvaryŭšysia sa svajoj partniorkaj pa «kino dla darosłych», jon vyrašyŭ pachvalicca svajmu siabru, prademanstravaŭšy pornaroliki, dy jašče i skinuŭšy ich jamu na mabilny telefon dla dalejšaha prahladu.

Dadzienyja dziejańni adnaznačna kvalifikujucca zakanadaŭstvam jak raspaŭsiud parnahrafii, dy jašče i pry abciažarvalnych abstavinach. U dačynieńni da zatrymanaha była zaviedzienaja kryminalnaja sprava pa č. 2 art. 343–1 Kryminalnaha kodeksa Respubliki Biełaruś, jaki praduhledžvaje pakarańnie ŭ vyhladzie pazbaŭleńnia voli na termin ad troch da vaśmi hadoŭ.

Ciapier vyśviatlajucca asoby padletkaŭ, jakim režysior-pačatkoviec i jaho pryjaciel paśpieli prademanstravać pikantnyja roliki.

Kamientary da artykuła