Urahan nad Ukrainaj: u centry Adesy, jak u filmie žachaŭ + fota
Niekalki abłaściej Ukrainy paciarpieli ad mocnaha daždžu i škvalnych paryvaŭ vietru ŭ noč na subotu. Macniej za ŭsio dastałosia Adeskaj vobłaści, dzie biez elektryčnaści zastalisia bolš za 260 nasielenych punktaŭ.
U vyniku ŭrahanu, jaki praniośsia nad horadam, zahinuŭ adzin čałaviek, jašče dvoje atrymali traŭmy.
Pa ŭsim horadzie pavalenyja drevy, paškodžanyja linii elektrapieradačy i kamunalnyja hazapravody.
«U centry Adesy, jak u filmie žachaŭ. Jechali na mašynie dadomu pa Staraportafrankaŭskaj, draty rvucca i iskrać, drevy valacca na darohu, dvorniki nie spraŭlajucca z zalevaj. Kašmar», — kazali adesity.
Niekatoryja vulicy zatapiła, a aŭtamabili apynulisia ŭ vielizarnych zatorach, praź jakija nie mohuć prabicca navat aŭtamabili «Chutkaj dapamohi»
Ad stychii taksama paciarpieli Kijeŭskaja, Žytomirskaja, Adeskaja, Mikałajeŭskaja i Vałynskaja vobłaści Ukrainy.Usiaho było abiastočana amal 400 nasielenych punktaŭ.
.