Najbližejšyja dvoje sutak budzie chaładnavata i daždžliva

Jak paviedamlaje sajt Respublikanskaha hidramieteacentra (www.pogoda.by), pachaładańnie prynios «małaruchomy cykłon», jaki pieramiaščajecca sa Skandynavii ŭ centralnyja rajony Rasii.

«U niadzielu, 21 lipienia, zachavajecca chałodnaje i niaŭstojlivaje nadvorje. Na značnaj častcy terytoryi našaj krainy čakajucca karotkačasovyja daždžy, dniom u asobnych rajonach mahčymy navalnicy. Viecier paŭnočna-zachodni paryvisty, u dzionnyja hadziny miescami — mocny paryvisty. Tempieratura pavietra: minimalnaja nočču plus 8–13°S, maksimalnaja dniom 14–19°S, u paŭdniova-zachodnich rajonach da 21°S», — havorycca ŭ paviedamleńni.

U paniadziełak pad upłyvam cykłonu, centr jakoha zrušycca da paŭnočnych miežaŭ Biełarusi, amal paŭsiul projduć daždžy, pa poŭnačy — mocnyja, viecier paŭnočna-zachodni, zachodni ŭmierany, miescami mocny paryvisty. Tempieratura pavietra nočču čakajecca plus 7–13°S, dniom 14–19°S, u paŭdniova-zachodnich rajonach pavietra prahrejecca da plus 21°S.

Kamientary da artykuła