Siońnia: «Šachcior» (Karahanda) — BATE. Ci zdoleje Barysaŭ pieramahčy?

jakim budzie lik?

Siońnia ŭ Kazachstanie projdzie matč u adkaz 2-ha raŭndu kvalifikacyi Lihi čempijonaŭ pamiž «Šachcioram» (Karahanda) i barysaŭskim BATE.

Tydzień tamu BATE na svaim poli siensacyjna prajhraŭ 0:1, i ciapier u nastupny etap jaho vyviedzie tolki pieramoha.

Tym bolš u 3-m raŭndzie, pieraadoleńnie jakoha harantuje pucioŭku chacia b u hrupavy turnir Lihi Jeŭropy, supiernik budzie niaciažki: abo ałbanski «Skienderbieŭ» abo azierbajdžanski «Nieftčy».

Na pieradmatčavaj pres-kanfierencyi Viktar Hančarenka, hałoŭny trenier BATE, skazaŭ: «Dva apošnija hady my hulali ŭ hrupavym turniry Lihi čempijonaŭ, tamu prychilniki patrabujuć ad nas jak minimum paŭtoru hetaha vyniku, i heta visić nad kamandaj. Miarkuju, naša nievyraznaja damašniaja hulnia stała vynikam hetaha nacisku». Pavodle jaho słoŭ, kab vypravić situacyju paśla damašniaha paražeńnia 0:1, treba hulać chutčej, čym u Barysavie.

Takim čynam: 16:30, telekanał Biełaruś-2.

Kamientary da artykuła