U Minsku ŭźniali ściahi da Dnia Niezaležnaści: jość zatrymanyja

26.07.2013 / 21:15

nn.by

U Minsku, kala ŭniviermaha «Biełaruś», siońnia, 26 lipienia, prajšła akcyja, prymierkavanaja da 23-ch uhodkaŭ pryniaćcia Dekłaracyi ab dziaržaŭnym suvierenitecie Biełarusi (27.07.1990).

Praces zatrymańnia

Pačatak akcyi.

Praces zatrymańnia

Siońnia a 17.00 aktyvisty arhanizacyi «Alternatyva» (zarehistravanaja ŭ Łatvii) źbiralisia vyviesić z mosta kala ŭniviermaha «Biełaruś» try bieł-čyrvona-biełyja ściahi. Praź niekalki chvilin da ich padbiehli nie mienš jak piać supracoŭnikaŭ milicyi ŭ cyvilnym, jakija ŭsich zatrymali i zapichnuli ŭ dva mikraaŭtobusy.

Byli zatrymanyja aktyvisty Aleh Korban, Dźmitryj Silčanka, Aleh Kieral, Volha Burnievič, fotakarespandent «Našaj Nivy» Siarhiej Hudzilin, zdymačnaja hrupa BiełaPAN (karespandent Zachar Ščarbakoŭ i videaapieratar Andrej Korsak). Usich advieźli ŭ UUS Partyzanskaha rajona,

zahadali adklučyć mabilniki, čamuści spytali, ci nie chvoryja na VIČ i suchoty, a praz try hadziny žurnalistaŭ adpuścili. Adpuścili taksama Volhu Burnievič.

U Korsaka i Hudzilina ścierli ŭsie zapisy.

U milicyi zastajucca Korban, Silčanka i Kieral.

Zdymki ŭdałosia adnavić.

Čytajcie taksama:

Kamientary da artykuła