U centry Minska zatrymali pravabaroncaŭ Taćcianu Raviaku i Uładzimira Łabkoviča
abnoŭlena
Taćciana Raviaka razdavała paštoŭki z vyjavaj A. Bialackaha
Taćciana Raviaka razdavała paštoŭki z vyjavaj A. Bialackaha
Pravaabaroncy razdavali paštoŭki z vyjavaj A. Bialackaha
Pravaabaroncy razdavali paštoŭki z vyjavaj A. Bialackaha
17.45
Razhledzieŭšy administracyjny pratakoł, składzieny milicyjaj u dačynieńni da pravaabaroncy Taćciany Raviaki, sudździa suda Savieckaha rajona stalicy Maryna Fiodarava adpraviła jaho na dapracoŭku. Raviaka vyzvalena z-pad varty i ŭžo pakinuła budynak suda, paviedamiła BiełaPAN jaje kaleha Nasta Łojka.
Jany razdavali kala CUMa paštoŭki z vyjavaj palitviaźnia Alesia Bialackaha. Ciapier Raviaka i Łabkovič znachodziacca ŭ Savieckim RUUSie.
Nahadajem, što ŭčora, 4 žniŭnia, spoŭniłasia dva hady z momantu aryštu kiraŭnika pravaabarončaha centra «Viasna» Alesia Bialackaha, jaki zatym byŭ asudžany na 4,5 hoda turmy.
Jak paviedamlaje sajt Viasny, na Raviaku i Łabkoviča aformili pratakoły pavodle art. 23.34 KoAP RB (parušeńnie paradku arhanizacyi i praviadzieńnie masavych mierapryjemstvaŭ), u ich zabrali mabilnyja telefony.
Razhlad spravy projdzie ŭ sudzie Savieckaha rajona pa adrasie: h.Minsk, Łahojski trakt 3.Vierahodna, što siońnia ž a 16 hadzinie adbudziecca sud.