Ładućka biarecca za rovarny ruch u Minsku
Nieabchodna raspracavać vyrazny płan dziejańniaŭ pa raźvićci rovarnaha ruchu ŭ Minsku. Takuju zadaču siońnia pastaviŭ staršynia Minharvykankama Mikałaj Ładućka na apieratyŭnaj naradzie ŭ haradskim vykankamie.Jon vykazaŭ šerah zaŭvah i vykazaŭ niezadavolenaść tempami i chodam raźvićcia viełasipiednaha ruchu, zasłuchaŭšy dakład pieršaha namieśnika načalnika ŭpraŭleńnia sportu i turyzmu Valancina Baroŭki.
U pracy pavinny pryniać udzieł nie tolki čynoŭniki z administracyj rajonaŭ, ale i treniery pa viełasporcie.
Na praciahu miesiaca im nieabchodna abśledavać kožnuju vulicu i pakazać, dzie treba panizić bartavy kamień, pašyryć vieładarožku i vykanać inšyja pracy.Składzieny raniej płan užo nie adkazvaje patrabavańniam nasielnictva, kanstatavaŭ M. Ładućka.
Taksama ŭ horadzie stvorać prafiesijny rovarny kłub. Adpaviednyja materyjały buduć razhledžany na adnym ź bližejšych pasiadžeńniaŭ Minharvykankama.
"Adpracujcie z ajčynnymi vytvorcami viełatechniki sistemu raźvićcia viełaruchu. U ich takaja inicyjatyva jość, — daručyŭ kiraŭnik Minharvykankama. — Jany pavinny ŭkłaści častku hrošaj u stvareńnie viełakłuba. Nieabchodna arhanizavać pa chodzie ruchu i sietku abjektaŭ handlu i prakatu rovaraŭ, jakaja bazujecca na pradukcyi ajčynnaj vytvorčaści.
Zaraz u Minsku naličvaje kala 300 tys. amataraŭ viełajazdy. Ich lik pavinna vyraści da 500 tys., adznačyŭ M. Ładućka.