Rasijcaŭ i ŭkraincaŭ złavili na machlarstvie: kurynyja tuški akazalisia pieranasyčanyja vadoj
Kazachstan vinavacić Rasiju i Ukrainu ŭ dempinhu kurynaha miasa.
U vyniku dempinhu z boku ŭkrainskich i rasijskich vytvorcaŭ abjomy prodažaŭ miasa ptuški kazachstanskaj vytvorčaści ŭpali ŭ siarednim na 30%.
Niadobrasumlennaja kankurencyja nazirajecca ŭ častcy dempinhu koštaŭ šlacham inžektavańnia tušak ptuški vadoj. U vyniku masavaja dola vilhaci i miasnoha soku, jaki vyłučyŭsia pry razmarožvańni miasa ptuški ŭ spažyvieckaj ŭpakoŭcy dachodziła až da 16,8%.
Zhodna ź dziejučymi praviłami Mytnaha sajuza, na terytoryju Kazachstana dazvoleny ŭvoz miasa ptuški 30 pradpryjemstvaŭ trecich krain, adobranych i uklučanych u vyniku inśpiektavańnia vieterynarnymi słužbami krain MS u adpaviedny rejestr.