Samalot u Turcyju trapiŭ nad Minskam u avaryjnuju situacyju: darohu ŭ aeraport pierakryli
Samalot siadaŭ u avaryjnym paradku, daroha ŭ aeraport niejki čas była pierakrytaja.
Paviedamleńnie pra zdareńnie vyratavalniki atrymali, a 7:30 24 vieraśnia. Jak kažuć u MNS, samalot vypracavaŭ paliva i praz paŭtary hadziny pryziamliŭsia znoŭ u aeraporcie.
«Siońnia ŭ 7:30 pasažyrski «Boinh» rejsa Minsk — Antalija vylecieŭ z aeraporta. Adnak nieŭzabavie piłoty paviedamili ab prablemach z šasi, samalot vypracavaŭ paliva i praz paŭtary hadziny ździejśniŭ pasadku.
Jana prajšła ŭ štatnym režymie. Na miesca vyjazdžali ratavalniki, adnak ich dapamoha pasažyram nie spatrebiłasia», — paviedamiŭ pres-sakratar MNS Biełarusi Vital Navicki.
Zaraz usie pasažyry avaryjnaha «Boinha» znachodziacca ŭ Nacyjanalnym aeraporcie «Minsk». Vyrašajecca pytańnie ź ich pieralotam u Turcyju.