Kryminalnaja sprava ab rabavańni banka ŭ Lubani nakiravana ŭ vajskovy sud
Kryminalnaja sprava ŭ dačynieńni da padazravanych u abrabavańni adździaleńnia banka ŭ Lubani nakiravana ŭ vajskovy sud. Ab hetym BIEŁTA paviedamili ŭ Hienieralnaj prakuratury.
«Hienieralnaja prakuratura 29 kastryčnika nakiravała ŭ sud kryminalnuju spravu, jakuju rasśledavaŭ Śledčy kamitet, u dačynieńni da troch žycharoŭ horada Lubań i Lubanskaha rajona, jakija ździejśnili 21 krasavika razbojny napad na rabotnika adździaleńnia AAT «Biełahraprambank» u horadzie Lubań i pastavoha milicyjanta, vykraŭšy majomaść i hrašovyja srodki ŭ asabliva bujnym pamiery», — raspaviali ŭ Hienprakuratury.
Abvinavačanym inkryminujecca ździajśnieńnie złačynstvaŭ, praduhledžanych č.3 art.207 (razboj, učynieny hrupaj asob u asabliva bujnym pamiery), č.4 st.294 (kradziež ahniastrelnaj zbroi i bojeprypasaŭ šlacham razboju), č.3 st.214 (kradziež transpartnaha srodku, učynieny hrupaj asob z prymianieńniem hvałtu), č.1 art.218 (naŭmysnaje źniščeńnie majomaści, jakoje paciahnuła pryčynieńnie škody ŭ značnym pamiery) KK.
Kryminalnaja sprava nakiravanaja dla razhladu ŭ Babrujski mižharnizonny vajenny sud.