Biudžetu Biełarusi nie chapaje $750 miljonaŭ. Minfin: Hrošy brać niama adkul
Deficyt biudžetu Biełarusi pa vynikach 2013 hoda, imavierna, dasiahnie 7 tryljonaŭ rubloŭ. Heta kala $750 miljonaŭ u ekvivalencie.
«Navat pryciahnieńnie dadatkovych dachodaŭ i maštabnaje abmiežavańnie vydatkaŭ nie dazvalajuć likvidavać razryŭ», — zajaviŭ namieśnik ministra finansaŭ Maksim Jermałovič.
Hetaja acenka była zroblena pa vynikach raboty ekanomiki za studzień-vierasień 2013 hoda.
«Dla źviadzieńnia bałansu spatrebicca vykarystoŭvać raniej nazapašanyja reštki srodkaŭ biudžetu, jakija pieravažna sfarmiravany za košt srodkaŭ fondu nacyjanalnaha raźvićcia. Inšyja reziervy ŭ dadzieny momant praktyčna vyčarpali siabie», --
cytuje Jermałoviča «Interfaks».
U Fond nacyjanalnaha raźvićcia pieraličvajuć častku prybytku vysokarentabielnyja pradpryjemstva — naftapierapracoŭčyja zavody, «Biełaruśkalij» dy inšyja.
Namieśnik ministra finansaŭ adznačaje, što mahčymaści pa skaračeńni deficytu za košt dalejšaha źmianšeńnia vydatkaŭ vielmi abmiežavanyja:
«Dalejšaje źnižeńnie finansavańnia nieminuča paciahnie za saboj paharšeńnie ŭmovaŭ pracy dla biudžetnaha siektara».