U Biełdziaržcyrk na hastroli pryjechali tancujučyja biehiemoty
U Minsk na hastroli pryjechali tancujučyja hipapatamy. Vializnyja artysty stanuć ćvikom «Šou biehiemotaŭ», jakoje ŭpieršyniu pakažuć u Biełdziaržcyrku z 31 studzienia.
«Hipapatamus Šou» — adziny ŭ śviecie atrakcyjon dresiroŭščykaŭ Ludmiły i narodnaha artysta Rasii Tofika Achundavych. Na arenie cyrka biehiemoty hracyjozna pieravaročvajucca na śpinu, pavolna hulajuć u čachardu, budujuć «piramidku» i navat tančać. Jany pryjechali ź Nižniaha Noŭharada.
Akramia šou biehiemotaŭ, hledačam rychtujuć jašče adzin padarunak — atrakcyjon z udziełam siami vidaŭ dresiravanych małpaŭ, jakija vykonvajuć truki z padkidnymi doškami i salta-martale biez pavadkoŭ.